Real Madridi ka udhëtuar drejt Pamplonas për t’u përballur me Osasunan, me synim fitoren dhe ruajtjen e pozitës së parë në renditjen tabelore në La Liga.
Ousasuna e pret Madridin në Estadio El Sadar, në një ndeshje të javës së 23-të, e cila nis në orën 16:00.
Skuadra e Zinedine Zidane është e vetëdijshme se humbja eventuale do t’i jepte mundësi Barcelonës ta barazojë me pikë në krye të renditjes.
Gareth Bale, i kthyer nga lëndimi, do të luajë titullar dhe për herë të parë që prej muajit të kaluar, ndërkohë edhe Luka Modric e nis nga fillimi me Casemiron dhe Valverden përkrah në mesfushë.
Bale në sulm do të ndihmohet nga i përhershmi Karim Benzema, si dhe nga Isco.