Ballkani sot (e diele) ka mposhtur Dukagjinin me rezultat 2 – 0, ndeshje e vlefshme për Kupën e Kosovës.
Golat nga Baftiu dhe Magani e dërguan skuadrën e Ismet Munishit në gjysmëfinale të Kupës së Kosovës.
Munishi pas ndeshjes tha se në pjesën e parë vendasit ishin më të mirë dhe Dukagjini ka bërë përmirësime të mëdha.
“Mendoj që skuadra e Dukagjinit ishte më e mirë në pjesën e parë. Mendoj se Dukagjini është skuadër me e ndryshme në krahasim me sezonin vjeshtor”, theksoi Munishi.
Tekniku prishtinas beson se nuk ka favorit për të fituar Kupën e Kosovës, pasi Drenica, Prishtina dhe fituesi i ndeshjes Liria – Feronikeli janë kundërshtarë mjaftë të fortë.
“Pasi shënuam golin e parë gjithçka ishte me e lehtë. Në Kupën e Kosovës kemi mjaftë kundërshtarë mjaftë të fortë, Drenicën e cilësoi si kundërshtar mjaftë i fortë, Prishtinën dhe presim ndeshjen Liria – Feronikeli. Nuk ka favorit”, vazhdoi ai.
Në fund, Munishi deklaroi se Ballkani është skuadra e duhur për ta përfaqësuar Kosovën në Evropë, ngase kanë skuadër më të mirë.
“Do jetë luftë e rreptë. Besoj që na në krahasim me skuadrat tjera do e përfaqësojmë Kosovën në Evropë, jemi skuadër më e mirë andaj e meritojmë këtë shans. Nëse kualifikohemi në Evropë do shohim një Ballkan tjetër në lojë në krahasim me skuadrat tjera kosovare”, përfundoi trajneri i Ballkanit.
Kundërshtari i radhës për liderin momental të Superligës do kuptohet pasi të hidhet shorti./Gazetatopi.com