Ditën e djeshme (e diel) është zyrtarizuar rikthimi i basketbollistit kosovar, Drilon Hajrizit te KB Trepça.
Por, Hajrizi nuk kishte harruar të falënderonte klubin e Pejës duke thënë se Peja ishte shtëpia e dytë për të.
Ndërsa sot, kanë qenë pejanët ata që kanë njoftuar në faqen zyrtare në “Facebook” për largimin e Hajrizit.
“Verdhezinjtë” në njoftimin e publikuar kanë falënderuar basketbollistin mitrovicas për kontributin e dhënë në “Karagaçi” si dhe kanë shtuar se dera për rikthim në Pejë është gjithmonë e hapur për të.
Ky është njoftimi i plotë i Klubit të Basketbollit Peja:
ZYRTARE: Drilon Hajrizi largohet nga KB Peja !
Drilon Hajrizi ka ndarë rrugët me ekipin tonë, Driloni po i bashkohet ekipit të vendlindjës së tij KB Trepça.
Ne duam ta falemnderojmë Drilonin për kontributin e madh që ka dhënë për klubin dhe qytetin tonë. Urojmë që suksesi dhe fati ta përcjellin në vazhdim të karrierës.
Driloni citoj këto fjalë me rastin e largimit nga klubi:
“Shkurt, faleminderit Pejë! Shqip, faleminderit Shqiponja! Shkurt e shqip, jeni shtëpia ime e dytë!”