Ish basketbollisti amerikan, Delonte West është rrahur në rruga nga një person i pa identifikuar ende nga autoritet e sigurisë, shkruan Insporti.com.
Rrahja e West është bërë virale në rrjetet sociale, pasi është komentuar edhe nga basketbollistët që aktualisht luajnë në NBA.
Sipas West, atij i ishte afruar një person me armë, përderisa kishte qenë duke ecur rrugës.
Megjithatë, kur u pyet të japë më shumë detaje për incidentin, Delonte vazhdimisht thoshte: “Nuk më intereson”, para se të fillonte të ankohej për diçka që ishte e vështirë të merrej vesh.
West besohet se ka probleme mentale dhe kjo është arsyeja pse jeta e tij nga një milioner është shkatërruar.
Vlen të theksojmë se West ishte në lidhje me nënën e basketbollistit LeBron James, Gloria në vitin 2010, koha kur West dhe James ishin bashkëlojtarë në Clevland Cavaleirs.
Majde, gjatë kohës sa ishte në lidhje me nënën e James, LeBron kishte rënie drastike të formës por tashmë kjo i takon të kaluarës, pasi James me LA Lakers këtë sezon është duke shkëlqyer.
Ai është parë në disa raste në rrugë duke ecur i zbathur dhe tashmë thotë se është i pa strehë. Kur ishte pyetur se a është Delonte West, ai kishte thënë: “Kam qenë ai, por s’po e jetoj më atë jetë”.
West ka zhvilluar karrierën në klubet si Boston Celtics, Cleveland Cavaliers, Dallas Mavericks dhe Seattle SuperSonics, Delonte West, duke fituar më shumë se 16 milionë dollarë.