Presidenti i Empolit Fabrizio Corsi, konfirmon se Fabiano Parisi kërkohet nga Interi , ndërsa lë të kuptohet se Milani ka avantazhin për Kristjan Asllanin.
“Toskanët” u promovuan si fitues të titullit të Serisë B verën e kaluar dhe siguruan vendin e tyre në ligën më të mirë.
Disa nga talentet e tyre të rinj ranë në sy të klubeve më të mëdha dhe pritet të kalojnë në sezonin e ardhshëm.
#Corsi: “#Asllani vorremmo tenerlo per un altro anno”. Sarebbe la strategia, già raccontata, del #Milan: prenderlo e lasciarlo. Ci sono anche #Inter e #Napoli, con interesse possibile di molti top club in Europa. #Maldini ha già parlato con la famiglia, vedremo
— Alfredo Pedullà (@AlfredoPedulla) May 16, 2022
“Asllani fitoi vendin e tij në Serie A, i bindi të gjithë dhe ne shpresojmë ta mbajmë edhe për një vit tjetër”, tha Corsi për Radio Marte.
“Për fat të mirë, prioriteti ynë është më shumë ndërtimi i një skuadre të fortë sesa rimbushja e arkës së klubit.”
Sipas ekspertit të transferimeve të Sportitalia dhe Gazzetta dello Sport, Alfredo Pedullà, kjo i jep Milanit dorën e sipërme ndaj Interit, sepse “kuqezinjtë” po planifikojnë të blejnë Asllanin dhe më pas ta lënë atë në huazim te Empoli për sezonin 2022-2023.
Asllani, 20-vjeçar është i lindur në Elbasan të Shqipërisë, ndërsa është prodhim i akademisë së Empolit.
Mesfushori shqiptar ka 22 paraqitje këtë edicion, derisa ka regjistruar një gol dhe një asistim.