Duke folur në kanalin e tij në Youtube, gazetari i mirënjohur kuqezi Carlo Pellegatti foli për situatën e Hakan Calhanoglu. Sky Sport zbuloi se ai kërkon 7 mln euro për të rinovuar, diçka që ka ngrirë kuqezinjtë.
“Ka çështje me gjemba gjatë këtij pushimi për ekipin kombëtar dhe një çështje delikate është ajo e rinovimeve. Unë do të doja të përqendrohesha, më shumë sesa te Donnarumma, te situata e Hakan Calhanoglu. Turku, të cilii i skadon kontrata në 2021, duket se dëshiron një rrogë shumë të rëndësishme.
Oferta e Milanit duhet të jetë midis 3.5 dhe 4 milion euro ndërsa kërkesa e turkut thuhet të jetë për një kontratë jo shumë larg asaj të Zlatan Ibrahimovic, pra rreth 6 dhe 7 milion euro.
Hendeku është shumë i rëndësishëm. Si do të zgjidhet kjo? Do të jetë një negociatë e komplikuar dhe plot pengesa. Milani nuk e arrin figurën e Calhanoglu ndërsa turku nuk e di nëse do ta pranojë ofertën kuqezi por ai duhet të gjejë një ekip që të mund t’i ofrojë atij një ambjent ose besim kaq të rëndësishëm.
Një temë, megjithatë, është në zemrën e tij: performanca e tij që nuk është optimale. Calhanoglu është një lojtar i ndjeshëm në zemër dhe situata e tij kontraktuale mund të ndikojë në performancë.
Kjo është frika ime. Prandaj, një situatë e mprehtë duhet të zgjidhet sepse Calhanoglu bën ndryshimin. Kohët e fundit ai nuk ka qenë në gjendje ta bëjë atë por për Milanin do të ishte një humbje më serioze në të ardhmen e afërt sesa në të ardhmen e largët”.