Xavi raportohet se i ka dhënë dritën e gjelbër Frenkie De Jongut për t’u larguar në afatin kalimtar të verës.
Trajneri i Barcelonës thuhet se është i kënaqur me paraqitjet e dy mesfushorëve të rinj, Gavi dhe Pedri. Kësisoj, ai është i hapur për të lejuar largimin e ish-mesfushorit të Ajaxit.
Gjithashtu, Franck Kessie do t’i bashkohet Barçës në verë dhe Xavi do të ketë opsione të mjaftueshme në mesfushë.
Si rezultat i kësaj, “Cuatro Deportes” ka raportuar se Xavi e lejon De Jongun që të largohet pas përfundimit të këtij sezoni.
Mesfushori holandez mbetet i lidhur me një kalim te Manchester United, për t’u ribashkuar me ish-trajnerin e tij te Ajaxi, Erik ten Hag.
25-vjeçari ka kontratë të vlefshme me Barcelonën deri më 30 qershor 2026.
Ai në tregun e transferimeve vlerësohet me 70 milionë euro.