Tottenham Hotspur ka fituar me rezultat 2-0 ndaj Manchester Cityt në ndeshjen e vlefshme për javën e nëntë në Ligën Premier.
Ekipi i Jose Mourinhos është treguar ‘arrë e fortë’ për ekipin e Pep Guardiolas duke i mposhtur në derbin e javën në kampionatin anglez.
Pjesa e parë e ndeshjes u karakterizua me lojë më të mirë të Cityt, por ishin vetëm vendasit që gjeten golin.
Spurs arritën të shënojnë pas vetëm pesë minutave lojë me anë të Heung-min Son për 1-0 pas asistimit të Tanguy Ndombele.
What a pass by Tanguy and what a goal by Son!! #THFC | #COYS
— Spurs On Tap (@SpursOnTap) November 21, 2020
City arriti të kthehet në lojë duke barazuar 1-1 me anë të Aymeric Laporte (27’), por VAR-i anuloi si të parregullt golin dhe Spurs shkuan në pushim me epërsi.
Në pjesën e dytë, përsëri City bënte lojën, qarkullonte topin dhe krijonte rastet, por vendasit ishin më konkret duke shënuar edhe një gol dhe fituar ndeshjen.
Ishte argjentinas Giovani Lo Celso (65’), i cili shënoi për 2-0 pas vetëm 35 sekondave lojë falë një asistimi të Harry Kane.
Lo Celso goal! 2-0 Tottenham#COYS | #THFC
— Spurs On Tap (@SpursOnTap) November 21, 2020
Deri në fund të ndeshjes, City provoi disa herë të kthehet në lojë, por pa pasur sukses dhe Spurs morën në fund një fitore të madhe 2-0.
Pas kësaj fitore, Tottenhami e sheh veten lider me 20 pikë, ndërsa City renditet i 10-ti me 12 pikë.
Në ndeshjen e radhës, londinezët udhëtojnë te Chelsea, ndërsa City e pret Burnleyn.