Mario Mitaj luajti ka debutuar me Kombëtaren e Shqipërisë, duke shuar kështu çdo dëshirë dhe mundësi që në të ardhmen të aktivizohet me Greqinë, e cila e ka kërkuar me ngulm.
Mbrojtësi i AEK-ut u hodh në fushë ndaj San Marinos, duke bërë debutimin zyrtar me fanellën “kuqezi”, në fitoren e Shqipërisë me rezultat 2:0.
Më herët, nën drejtimin e trajnerit Edi Reja, një tjetër i ri ka bërë debutimin me Shqipërinë, dhe ai është qendërmbrojtësi Ramen Çepele.
Mirëpo, ky i fundit mbetet ende rekordmen për nga mosha, pasi për Mitajn, vetëm 2 ditë ia djegin mundësinë për të qenë djaloshi më i ri që vesh fanellën e Kombëtares shqiptare.
Teksa të dy kanë luajtur në moshën 17-vjeçare, për Mitajn dita e djeshme datonte 17 vite e 237 ditë, ndërsa Çepele ka luajtur 17 vite e 235 ditë.
Mitaj dhe Çepele lënë pas vetes emra si Iljaz Çeço, Blendi Nallbani etj.
