“Salah u testua negativisht me Covid-19, në orët e ardhshme do të kemi listën për ndeshjen e Champions League dhe me të vërtetë mendoj se ai do të jetë në dispozicion të mërkurën”.
Jurgen Klopp, i intervistuar nga Sky Sports pas fitores së djeshme me Leicester në Premier League, njoftoi rikuperimin e Mohamed Salah për ndeshjen shumë të rëndësishme të Ligës së Kampionëve të planifikuar të mërkurën me Atalanta.
Duke përjashtuar ndonjë surprizë të orës së fundit, sulmuesi egjiptian i Liverpool do të jetë kështu në fushë ndaj ekipit të Gasperinit.
Një lajm i mirë për “reds” duke qenë se Salah është tepër thelbësor për ekipin kampion të Anglisë, edhe pse Klopp ka arritur të bëjë një orkestër me shumë interpretues.