Manuel Neuer, portieri i Bayern Munich, shpreh gjithë gëzimin e tij pas fitores në Champions League: “Vështirë të arrihet ajo që bëmë. Ishte një mbrëmje e jashtëzakonshme, ishin 90 minuta shumë të ngushta, por në fund të fundit merituam fitoren”.
“Kjo është një ëndërr që realizohet! PSG ka disa lojtarë shumë të forte në sulm, mbase ata kishin vështirësi në ndërtimin e lojës sepse ne shtypnim fort dhe ushtronim presing. Ishim më të qetë sepse po luanim ashtu siç donim”.
“Paraqitja më e mirë në karrierë? Nuk e di, por kam luajtur vërtet mirë”.
A është fitoreja e Flick?
“Flick ka merita të mëdha, kemi punuar shumë mirë së bashku. Ai e rindërtoi ekipin, ishte ilaç për ne. E jashtëzakonshme ajo që ai arriti të bëjë”.