Trajneri i Ballkanit, ismet Munishi njihet si njëri prej trajnerëve më karizmatik në futbollin e Kosovës.
Munishi që po shkëlqen me skuadrën e Ballkanit, është i ftuar në “Kanal10” në një rrëfim tejet interesant.
Ish-trajneri i Vëllaznimit ka treguar për fillimet e karrierës.
“Ne jemi rritur në lagjen Lakrishte në Prishtinë dhe kemi pasur shumë fëmijë aty dhe shumë shokë, dhe gjithmonë e kemi pasur dikë aty”, tregon fillimisht Munishi, përcjell “Zeri.info”.
“Si futbollist i kam kaluar të gjitha grupmoshat te FC Prishtina, më pas vazhdova në Flamurtar, me këtë skuadër kemi pasur suksese të mëdha dhe trajner e kemi pasur Luan Prekazin, të cilin e falënderoj shumë”, tregoi ai.
“Kam luajtur më pas në Slloveni, Turqi, Izrael, Shqipëri e Ukrainë, ku karrierën e mbylla te Vëllaznimi i Gjakovës, një klub me traditë. Por, klub të zemrës kam Flamurtarin”, thotë Munishi.
“Është koiçidencë që karrierën e kam filluar kuqezi te Flamurtari dhe e mbylla atë te Vëllaznimi kuqezi”, përfundoi Ismet Munishi.