Boksieri kosovar, Haxhi Krasniqi, është shpallur kampion bote në WBA dhe IBO në kategorinë gjysmë të rëndë.
Krasniqi arriti të triumfonte pasi nokautoi qysh në rundin e tretë boksierin gjerman, Dominic Boesel.
Boksieri nga Juniku sonte i ftuar në Klan Kosova po rrëfen historinë e karrierës së tij.
Ai ka thënë se në rast mos fitoreje ndaj Boselit e kishte menduar edhe pensionimin.
“E kam një karrierë të pastër, nuk kam bërë gjëra të këqija. Karriera ime ka qenë e rëndë. Nuk e kam asnjë ndeshje amatore. E kam menduar pensionimin në rast se nuk do të fitoja ndaj Dominic Boeselit”, deklaroi Krasniqi.