Trajneri i mirënjohur kosovar, Bylbyl Sokoli, i ftuar në emisionin ‘Express’ në KTV, ka folur për ndeshjet e fundit të kombëtares së Kosovës dhe për sfidën e ardhshme ndaj Moldavisë.
Sokoli në një moment është ndalur për të folur edhe për Edon Zhegrovën, i cili po kritikohet shumë nga tifozët për lojë individuale.
Trajneri i shumë skuadrave kosovare ka thënë se Zhegrovës i nevojitet punë profesionale dhe pedagogjike.
“Jam i sigurt se Zhegrovës i nevojitet punë profesionale dhe pedagogjike që duhen shumë biseda dhe seanca teorike me të, pse jo edhe me të tëra repartet”, ka thënë Sokoli.
Kosova nesër mbrëma luan ndaj Moldavisë në stadiumin ‘Fadil Vokrri’, në kuadër të xhiros së fundit të edicionit të dytë të Ligës së Kombeve.