Federata Shqiptare e Futbollit mësohet se i ka dhwnw fund bashkëpunimit me trajnerin brazilian Sylvinho, i cili nuk do të jetë më në krye të Kombëtares shqiptare.
Trajneri brazilian i ka dhënë fund aventurës së tij me kuqezinjtë, ndërsa sot në orën 10:00 federata do të mbajë konferencë për media në “Shtëpinë e Futbollit”, ku pritet të prezantohet trajneri i ri i Shqipërisë. Lajmi është raportuar fillimisht nga Top Channel.
Federata Shqiptare e Futbollit kishte emëruar Sylvinhon në vitin 2023, ndërsa gjatë drejtimit të tij Kombëtarja arriti kualifikimin historik në UEFA Euro 2024, duke përfunduar e para në grupin kualifikues.
Po ashtu, Shqipëria siguroi edhe pjesëmarrjen në “play-off” të kualifikueseve për 2026 FIFA World Cup, pasi e mbylli grupin në vendin e dytë pas Anglisë dhe para Serbisë, por u eliminua nga Polonia në gjysmëfinale.