Roma dhe Juventusi ndanë pikët në takimin e luajtur në “Olimpico” në kuadër të javës së 35-të të Serisë A. Rezultati 1-1 nuk kënaq aspak verdhekuqtë, të cilët ndihen të rrezikuar nga Atalanta për vendin e pestë.
Skuadra e De Rossit, pas 35 ndeshjesh, ka 60 pikë, tri më shumë se Atalanta, por bergamaskët kanë dy ndeshje më shumë për të zhvilluar, me Salernitanën këtë të hënë në transfertë, dhe takimin e prapambetur me Fiorentinën.
Sa i përket kronikës së takimit të “Olimpicos”, takimi u zhbllokua shumë shpejt nga Lukaku, në minutën e 15-të, por Juventusi u kundërpërgjigj shumë shpejt me Bremer, sapo u u mbush gjysmë ore lojë.
Një rezultat që i leverdis Juventusit, pasi ruan distancën prej dy pikësh me Bolognan e vendin e katërt pas javës së 35-të.