Humbja me penallti nga Bayern Munich, për Jose Mourinhon që ishte trajner i Real Madrid, mbetet momenti më i trishtuar në karrierën e tij.
Liga e Kampionëve, posaçërisht e dhjeta, ka qenë një fiksim i gjatë për Real Madrid, dhe Jose Mourinho beson se në vitin 2012 ajo mund të arrihej, me skuadrën e ‘Los Blancos’, më të mirën në Evropë sipas tij.
“Nëse më duhet të zgjedh momentin më të keq, ai është eliminimi me Madridin”, ka deklaruar Mourinho, përcjell lajmi.net.
“Ne ishim ekipi më i mirë në Evropë, pa dyshim, ne fituam La Ligan me rekord pikësh dhe golash, dhe do ta kishim fituar edhe finalen, nuk kam dyshime”.
Jose Mourinho tani drejton Tottenhamin.