Sot janë zhvilluar gjashtë ndeshjet play-off për biletat e fundit për Euro 2024, ku kishte përballje shumë interesante.
Gjeorgjia ka shënuar fitore ndaj Luksemburgut me rezultat 2-0, ndërsa Greqia ka fituar ndaj Kazakistanit me rezultat 5-0.
Pikërisht këto dy ekipe do të përballen mes vete me Gjeorgjinë që do të jetë vendas ndaj Greqisë për një biletë në Euro 2024.
Ukraina fitoi me rikthim ndaj Bosnjës me rezultat 2-1 si mysafir, ndërsa Islanda ishte më e mirë se Izraeli duke fituar me shifrat 4-1.
Ukrana do të luajë ndaj Islandës për biletën tjetër për Gjermani.
Uellsi në anën tjetër ka qenë më i mirë se Finlanda duke fituar me shifrat 4-1, ndërsa Polonia shkatërroi Estoninë me shifrat 5-1.
Uells -Poloni do të jetë finalja tjetër për biletën e fundit në Kampionatin Evropian.
Duele që do të zhvillohen të martën e 26 marsit dhe do të dihen përfundimisht tri ekipet e fundit që luajnë në Euro 2024.
Fituesi i Ligës A (Uells-Poloni) do të jetë pjesë e grupit D në Euro 2024 (Holandë, Francë, Austri).
Fituesi i Ligës B (Ukrainë-Islandë) do të jetë pjesë e grupit E në Euro 2024 (Belgjikë, Sllovaki, Rumani).
Fituesi i Ligës C (Gjeorgji-Greqi) do të jetë pjesë e grupit F në Euro 2024 (Portugali, Turqi, Republikë Çeke).