Kampionati më atraktiv i futbollit në Evropë, Premierliga angleze do të rikthehet sot me edicionin e ri, 2020/21.
Në kuadër të ditës së sotme (e shtune), sot në program janë katër ndeshje.
Ndeshja hapëse do të zhvillohet në “Craven Cotage” mes Fulhamit dhe Arsenalit me fillim nga ora 13:30.
Ndeshja vijuese luhet në “Selhurst Park” mes Crystal Palaces dhe Southamptonit, derisa kampioni në fuqi, Liverpooli e nis më vonë kampanjën.
Skuadra e Jurgen Kloppit e pret Leeds Unitedin në “Anfield” ku synon fitore dhe ta nis mbrojtjen e titullit kampion.
Dhe për fund, ndeshja e fundit për sonte në Premierligë luhet mes West Hamit dhe Newcastle Unitedit në “London Stadium” me fillim nga ora 21:00.
