Së fundmi është raportuar për një transferim të mundshëm të David Alaba në klubin spanjoll Real Madrid.
Alaba do të largohet nga Bayerni pasi që në verë do t’i mbarojë kontrata e tij dhe nuk kanë gjetur një marrëveshje të re me klubin Bayern Munich.
Daily Star Sport raporton se shumë klube janë të interesuar për të siguruar shërbimet e austriakut, mirëpo Real Madrid dhe Liverpool janë afër transferimit të lojtarit.
Besohet se klubi spanjoll ka bërë një propozim për përfaqësuesit e Alabas mbi një marrëveshje të mundshme afatgjate në Bernabeu, me Zinedine Zidane shumë të gatshëm për të forcuar mbrojtjen pas dyshimeve mbi të ardhmen e kapitenit Sergio Ramos, transmeton lajmi.net.
Sidoqoftë, The Guardian pretendon se Liverpool tani po bën gjithçka që është e mundur për të rrëmbyer atë nga Los Blancos.
Kampionët e Premierligës shpresojnë gjithashtu të sigurojnë një marrëveshje në këtë muaj që do ta lejonte më pas Alaban të largohet me parametra zero verës.
Alaba ka fituar nëntë tituj të Bundesligës dhe dy Liga të Kampionëve gjatë periudhës së tij te Bayern.