Licencimi i FFK-së, Batatina lëshon “bombën”

Çështja e licencimit të Federatës së Futbollit të Kosovës (FFK) është bërë një nga temat më të përfolura në vend.

Ministria e Kulturës, Rinisë dhe Sportit (MKRS) ende nuk e ka dhënë dritën e gjelbër për licencimin e FFK-së, kështu duke e vënë në rrezik edhe zhvillimin e garave në kampionatet vendore.

Tani, klubet e Superligës së Kosovës thuhet se janë duke e shqyrtuar mundësinë që nëse nuk arrihet të bëhet licencimi i FFK-së, të mos vazhdojnë garat më këtë sezon.

Këtë gjë e ka konfirmuar për KosovaPress edhe trajneri i Llapit, Tahir Batatina.

“Jemi mbledhur krerët e klubeve dhe jemi duke e shqyrtuar mundësinë që të mos vazhdohet gara pas datës 31 mars në Superligë, nëse nuk përfundon procesi i licencimit të FFK-së”, tha Batatina.

Licencimi i FFK-së vazhdon të jetë shqetësim shumë serioz për klubet e Superligës së Kosovës të cilët për shkak të ngërçit në këtë proces po i bartin pasojat e mos përfitimit të hyrave nga sponsorët.

MKRS edhe më tutje nuk i ka dhënë fund këtij procesi duke kërkuar plotësimin edhe të disa kushteve të tjera nga ana e FFK-së, siç është edhe dokumentacioni i plotë i të gjitha klubeve me statusin e tyre.

Leave a Reply

Your email address will not be published. Required fields are marked *