“I çrregullt dhe zhgënjyes”. Me këto fjalë e përditshmja “L’Equipe” ka vlerësuar paraqitjen e Kylian Mbappe-s në ndeshjen kundër Borussia Dortmundit.
Në Francë numri 7 i PSG është kthyer në një personazh i urryer për shkak të kontributit të vogël që ka dhënë në kauzën e PSG në Ligën e Kampionëve dhe për mënyrën se si po largohet drejt Madridit.
“Ndeshja e tij e fundit me PSG-në në Champions ishte një makth i vërtetë. Nisi ndeshjen në krahun e majtë, por nga ana teknike vuajti shumë. U dominua nga Humels, ku thuajse asnjëherë nuk arriti që të përballej në duele direkte”, shkruan gazeta franceze, e cila vlerësoi paraqitjen e Mbappe-n me notën 2.