Shqipëria përballet sonte me Çekinë, në një ndeshje shumë të rëndësishme në Ligën e Kombeve.
Kuqezinjtë vijnë në këtë përballje pas një fitore me shumë vlerë ndaj Gjeorgjisë dhe tashmë me mundësi fantastike për ta fituar grupin.
Duke qenë se formacioni në ndeshjen ndaj Gjeorgjisë doli triumfues, andaj nuk pritet të ketë ndryshime as në përballjen e sotme.
Kuqezinjtë me shumë mundësi do të luajnë si në Gjeorgji me Strakoshën në portë, Ajeti-Ismajli qendra e mbrojtjes, Mitaj dhe Balliu nga krahët.
Ramadani, Asllani dhe Laçi në mesfushë dhe Asani, Bajrami dhe Tuci përpara në krye të sulmit.