Aston Villa është duke kërkuar që të përforcohet në fazën e sulmit dhe Milot Rashica besohet të jetë njëri prej objektivave të tyre, transmeton Zeri.info.
Reprezentuesi i Kosovës ishte i lidhur me një kalim te skuadra angleze në verën e vitit të kaluar dhe në janar të këtij viti, por që kjo lëvizje nuk ndodhi.
Mirëpo, spekulimet nuk janë ndalur dhe sulmuesi vushtrrias vazhdon të jetë i lidhur me një transferim në “Villa-Park”.
Sipas medieve angleze, Aston Villa është duke monitoruar 24 vjeçarin dhe mund të tentohet transferimi i tij gjatë afatit kalimtar të kësaj vere, nëse Rashica vazhdon me formën e mirë.
Nga Aston Villa besohet se janë të gatshëm të paguajnë deri në 25 milionë euro për një lojtar që do t’ia përforconte fazën e sulmit, e që ky lojtar mund të jetë ish-sulmuesi i Llamkos Kosovës.
Ndryshe, Milot Rashica ka kontratë të vlefshme me Werder Bremenin deri më 30 qershor të vitit 2022.