Holanda ka fituar me lehtësi ndaj Gjeorgjisë me rezultat 3-0.
Për “Tulipanët” shënuan, Depay, Weghorst dhe Gravenberch.
Depay realizoi nga penalltia në minutën e 10’të të takimit.
Ndërsa Weghorst dhe Gravenberch shënuan në pjesën e dytë të duelit.
Weghorst në minutën e 55’të dhe Gravenberch në minutën e 76’të shënuan për rezultatin final të kësaj sfide (3-0).
Kurse Anglia ka arritur një fitore me rezultat minimal ndaj Rumanisë.
Golin e vetëm në këtë ballafaqim e shënoi, Marcus Rashford nga pika e bardhë në minutën e 68’të.
Rast për të dyfishuar epërsinë pati, Jordan Henderson, i cili gaboi nga pika e bardhë saktësisht 10 minuta pas golit të shënuar nga Rashford.