Sonte do të zhvillohet gjysmëfinalja tjetër e Ligës së Kombeve ajo ndërmjet Belgjikës dhe Francës.
Dy kombëtaret e mëdha evropiane do të sfidohen nga ora 20:45 në stadiumin “Allianz Stadium” në Torino.
Pritet një “luftë” e madhe nga dy skuadrat në fushë për biletën e fundit që dërgon në finalen e madhe të këtij kompeticioni.
Franca që “dështoi” në Euro2020 kërkon suksesin në Ligën e Kombeve, derisa të njëjtin synim natyrisht e ka edhe kombëtarja belge.
Fituesi i kësaj ndeshjeje do të përballet në finale me Spanjën, e cila mbrëmë e eliminoi Italinë në “San Siro” me rezultat të ngushtë 1-2.