Kanë përfunduar duelet e fundit të këtij stinori në Serie A.
Xhiro e fundit ishte vendimtare për tri skuadra që luftuan deri në fund për kualifikim në Ligën e Kampionëve, shkruan GazetaBlic Sport.
Juventus fitoi bindshëm ndaj Bolognas me rezultat 1-4.
Golat për Juventus i shënuan, Chiesa, Morata (2), dhe Rabiot.Kurse golin e vetëm për Bolognan e shënoi, Orsolini.
Ndërkohë Milan ka shënuar fitore në udhëtim ndaj Atalantas me rezultat 0-2.
Golin e parë të takimit e shënoi, Kessie nga penalltia në minutën e 43’të të takimit.
Kurse në fund të takimit në minutën e 93’të shënoi përsëri nga penalltia, Kessie.
Napoli nuk arriti të marrë 3 pikë ndaj Veronës, mbrojtësi kosovar, Amir Rrahmani i dha epërsinë Napolit në minutën e 60’të, por vetëm 9 minuta më vonë barazoi Faraoni.
Pas këtyre rezultateve, Milan dhe Juventus sigurojnë kualifikimin në Champions League.
Milan kualifikohet nga vendi i 2’të me 79 pikë, kurse Juventus me 78 pikë kualifikohet nga vendi i 4’të.