Fiorentina ka njoftuar zyrtarisht se Cesare Prandelli ka dhënë dorëheqje si trajner i Viola për ‘arsye që shkojnë përtej futbollit’.
Trajneri i Violas ishte kthyer në Artemio Franchi në nëntor të vitit të kaluar, por 63-vjeçari ka vendosur të tërhiqet vetëm gjashtë muaj më vonë.
“ACF Fiorentina mund të konfirmojë që Cesare Prandelli ka dhënë dorëheqje si trajner i Fiorentina,” shkroi klubi në një deklaratë.
Prandelli ofroi dorëheqjen të martën dhe – me shumë trishtim – klubi ka pranuar vendimin e tij, duke pranuar se arsyet pas kësaj shkojnë përtej futbollit.
Gjatë muajve të fundit, Prandelli ka dhënë gjithçka si trajner, duke treguar edhe një herë lidhjen e thellë që e lidh atë me Fiorentina dhe qytetin e Firences.
Sky Sport Italia shkruan se trajneri pranoi se karriera e tij si trajner mund të përfundojë këtu.
“Unë jam i vetëdijshëm që karriera ime e trajnerit mund të përfundojë këtu, por unë nuk jam penduar”, tha Prandelli.
“Ndoshta, kjo botë që unë kam qenë pjesë e gjithë jetës sime nuk është më për mua dhe nuk e njoh më veten në të. Unë kam ndryshuar, me siguri, dhe bota shkon më shpejt sesa mendoja”, theksoi ai.
