Përveç se është një sport shumë i bukur që ofron emocione të shumta, futbolli ka edhe anët negative të tij, dhe ndërhyrjet e pa lejuara, padyshim bëjnë pjesë në atë mes.
Kemi ndërhyrje të pa lejuara të çdo lloji, nga ato më të lehtat e deri te ato që shkaktojnë lëndime të mëdha e shpesh herë ndikojnë që një futbollist të humbas karrierën e tij.
Tendencë më të madhe për tu faulluar gjithnjë kanë lojtarët që janë super të talentuar në driblim, e shembull për këtë është fantazisti i Barcelona-s, Lionel Messi.
Për habinë e të gjithëve, Messi nuk është lojtari më i faulluar gjatë dekadës së fundit, madje para tij është edhe futbollisti me origjinë shqiptare, Përparim Hetemaj, që renditet në vendin e dytë në këtë list.
Sipas statistikave të nxjerra nga uebsajti i statistikave, Squawka.com, 5 futbollistët më të faulluar janë:
1.Eden Hazard (1030 herë)
2.Përparim Hetemaj (797)
3.Juan Cuadrado (735)
4.Lionel Messi (702)
5.Alejandro Gomez (675)