Barcelona nuk ka më kohë të rikuperojë nga gabimet në kampionat, pasi renditet në vendin e 6-të, 11 pikë pas Real Madrid. Ndaj sot, në ndeshjen ndaj Huesca, sfida e parë e 2021-shit, është thelbësore për katalanasit, të synojnë vetëm fitoren.
“Nëse je 10 apo 11 pikë pas kryesuesit është e vështirë të rikuperosh, por ne do të vazhdojmë të luftojmë. Unë jam një luftëtar dhe do të luftojmë. Duhet të presim, por në rastin tonë ne nuk mund të bëjmë më gabime dhe të falim pikë”, tha Ronald Koeman.
“Nëse rivalët tanë kanë një sezon të rregullt, atëherë për ne bëhet e komplikuar. Nuk kemi shumë mundësi, duhet vetëm fitorja, duke nisur nga sfida e sotme. Nëse duam të luftojmë për titullin duhen 3 pikët. Çdo pikë e humbur na largon nga kampionati”, tha Koeman.