Arsenal po vuan shumë këtë sezon dhe deri më tani i ka zhgënjyer të gjithë tifozët me nisjen që ka bërë në kampionat. Vendi i 15-të në renditje dhe lojë jo në nivelin e duhur, kanë bërë që shumë tifozë të bëhen pishman për sa i përket largimit të Arsene Wenger. Madje një tifoz i quajtur Mohammed gjatë një diskutimi në Radion “BBC 5”, deklaroi se kjo që po ndodh është pasoja për trajtimin që klubi i ka bërë Wengerit dhe Ozilit.
“Ne nuk e meritojmë të jemi në një nga katër vendet e para. Ne meritojmë të biem një kategori më poshtë për mënyrën se si i trajtuam Wengerin dhe Ozilin në vitet e fundit. Më vjen keq ta them këtë po për atë se çfarë ne i bëmë Arsenes dhe për këtë që po i bëjmë tashmë Mesutit, meritojmë gjithçka që po na ndodh.
Mënyra se si tifozët e Arsenalit kërkonin shkarkimin e Wengerit ishte e papranueshme, sidomos Arsenal TV. Ju i dini kërcënimet me vdekje, mesazhet, abuzimet me të. Për dikë që na dha gjithçka në 22 vite për Arsenalin, ajo që ne i bëmë nuk ishte e drejtë. Unë nuk po them se ai duhet të qëndronte, por mendoj si ai apo dhe Ozili për atë çfarë kanë bërë për ne meritojnë më shumë”, deklaron tifozi.
Një njeri si Wenger duhet ta vendoste vetë kur ishte momenti për t’u larguar sepse e kishte fituar kaq reputacion. Ozil? Nuk besoj se të gjitha problemet tona do të zhdukeshin nëse ai do të rikthehet, por pjesa e fantazisë do të zgjidhje padyshim. Kjo është karma që po ndodh për këtë që i bëmë Ozilit”, përfundon Mohammed.