Pele, legjenda e futbollit, bëri një postim shumë emocionues për Lionel Messin, pasi që ky i fundit e barazoi rekordin e tij, 643 gola për të njëjtin klub.
“Sikurse ti, e di çfarë do të thotë të mbashë veshur me dashuri çdo ditë të njëjtën fanellë. Sikurse ti, e di që nuk ka vend më të bukur se vendi që na bën të ndihemi si në shtëpi. URIME për rekordin tënd historik, Lionel. Por mbi të gjitha urime për karrierën tënde të mrekullueshme te Barcelona. Historitë sikur tonat, së dashuri një klub për kaq gjatë, do të vazhdojnë të rrallohen në futboll. Të admiroj shumë #LeoMessi”, shkroi Pele.
Këto fjalë e kanë emocionuar 10-shin e Barcelonës që nuk ka mundur pa reaguar në rrjetet sociale.
Përmes një postimi në Facebook, Messi ka shkruar: “Faleminderit shumë për mesazhin tuaj të ngrohtë, Pele. Është vërtet shumë mirë të kuptoj sesa domethënëse janë këto fjalë që vijnë nga një njeri i madh si ti. Përqafime”.