Pa u mbushur ende 24 orë nga deklarata e Leonardos se PSG nuk ka para për merkato dhe duhen ide kreative, përgjigja e Kylian Mbappé nuk vonoi. Drejtori sportiv dje në mbrëmje njoftoi një merkato “kursimesh” për Paris Saint-Germain, për shkak të urgjencës Covid-19 që uli të ardhurat dhe nuk lejon investime të mëdha.
Sulmuesi francez, i cili ndër të tjera po diskuton rinovimin me klubin parisien, tha për Telefoot: “Ne duhet të blejmë lojtarë, duhet një merkato e mirë.
Qëllimi është të përmirësojmë rezultatet e fundit. Ishim të bllokuar, nuk mund të kalonim çerekfinalet e Champions League. Tani e kuptojmë se çfarë ishte e gabuar dhe duhet të vazhdojmë kështu.
Nëse nuk e besojmë, askush nuk do ta bëjë atë për ne. Duhet të krijojmë një grup të ri dhe duhet të bëhen përmirësime. Nuk mund t’i neglizhojmë “.
Rinovimi i komplikuar – Ndërkohë, sipas gazetës spanjolle ABC, ylli ka refuzuar tre oferta për të zgjatur kontratën e tij dhe pas saj mund të jetë Real Madrid, i cili ëndërron ta blejë atë në 2021.
Dhe deklarata të caktuara nuk lënë vend për dyshime: PSG nuk mund të lejojë veten të bëjë gabime dhe të mos i pëlqejë yllit të tij.