Mbrojtësi kroat Dejan Lovren është larguar nga Liverpooli, transmeton Insporti.
Qendërmbrojtësi është transferuar drejt Rusisë, ku do të luajë për Zenit St Petersburgut, klub me të cilin ka nënshkruar kontratë për tri vitet e ardhshme.
Shuma e transferit besohet të jetë 12 milionë euro.
31 vjeçari kaloi 6 vite në “Anfield” ku fitoi Ligën e Kampionëve, Premier Ligën, Kupën e Botës për Klube dhe Superkupën e Evropës.
Këtë sezon ai u paraqit vetëm në 10 ndeshje në Premier Ligë.