Aaron Ramsey dukej shumë i irrituar ndërsa goditi një shishe me ujë pasi u largua nga Andrea Pirlo në pjesën e parë të ndeshjes Juventus – Fiorentina, pas kartonit të kuq të Juan Cuadrados.
Anësorit kolumbian iu dha një karton i kuq pas 18 minutash lojë për një ndërhyrje të pakujdesshme ndaj Gaetano Castrovillit.
Arbitri Federico La Penna fillimisht i kishte dhënë Cuadrados një karton të verdhë, por ai më pas zgjodhi të kuqin pas një shqyrtimi në VAR.
Pirlo zëvendësoi Aaron Ramseyn me Danilon pas 20 minutash, por Uellsiani me sa duket nuk e mori me të mirë vendimin e trajnerit të tij.
Ish-lojtari i Arsenalit dukej i zhgënjyer dhe shqelmoi një shishe me ujë kur iu afrua stolit të Juventusit përpara se të bashkohej me shokët e tij të skuadrës për të parë ndeshjen nga stoli.