Mediumi spanjoll El Mundo ka zbuluar detaje nga mega kontrata e Lionel Messit te Barcelona, që shokoi të gjithë.
Kontrata e tij e mbanë argjentinasin deri në verën e këtij viti, derisa fiton në total 555 milionë euro.
Gjashtë herë fituesi i Topit të Artë nuk ka zbuluar asgjë rreth fitimeve të tij në asnjë kontratë që ka nënshkruar.
Por, ai lidhet tani me një largim nga Blaugranasit dhe zbulimi i detajeve të kontratës së tij nuk ndryshon asgjë në qëndrimin e tij.
Messi thuhet se ka vendosur të largohet dhe lidhet me një kalim te Paris Saint-Germain ose te Manchester City.
Lojtari 33-vjeçar nuk është i lumtur në Camp Nou dhe një gjë e tillë ishte shfaqur edhe në verën e kaluar, kur kishte dorëzuar letrën për largim.
Argjentinasi ishte bindur nga familja e tij që të vazhdonte të qëndronte edhe më tej në skuadër, mirëpo vera e këtij viti do të jetë shumë interesante.