Xavi Hernandez ka dhënë komentet e tij pas fitores ndaj Levante.
Skuadra e Barcelonës ka shënuar një fitore 2:3 në udhëtim kundër Levante, në një ndeshje ku pati tri penallti në favor të kundërshtarit.
Pas ndeshjes, Xavi është shprehur i lumtur për fitoren dhe i ka dhënë meritat portierit Marc Andre ter Stegen dhe sulmuesit holandez, Luuk de Jong.
“Ter Stegen dhe Luuk bënë diferencën”, ka thënë Xavi.
“Ne duhet të përmirësojmë lojën, por jam i lumtur sepse garuam dhe besuam deri në fund. Luuk është në dijeni për mundësitë që ka dhe jam i lumtur për të”, shtoi trajneri spanjoll.
Xavi ndryshoi gjithçka me zëvendësimet e kryera sot. Pedri, Gavi, por edhe Luuk de Jong në fund bënë diferencën. Madje, edhe Clement Lenglet, por ky duke shkaktuar penallti.