Pas një interviste në të cilën tregoi dashurinë për klubin e Interit, dhe e kritikoi stilin e lojës që e aplikon trajneri Thomas Tuchel, ky i fundit ka vendosur që ta përjashtojë nga skuadra Romelu Lukakun.
Lajmin e ka konfirmuar gazetari i njohur Fabrizio Romano, i cili tregoi që Tuchel e ka marrë këtë vendim pasi që kishte shikuar intervistën e plotë të Lukakut me “Sky Italy”.
Po ashtu, ylli belg nuk do të jetë as në bankën rezervë të trajnerit Thomas Tuchel.
Kampioni evropian Chelsea zhvillon sot ndeshje me fillim nga ora 17:30, ku e pret në shtëpi gjigandin anglez Liverpoolin.