Barcelona ka marrë fitore të madhe në udhëtim te Atletico Madridi në kuadër të javës së 29-të në La Liga, duke triumfuar 3-0.
Pas 38-të minutash lojë, Blaugranasit kaluan në epërsi me golin e Joao Felix, që u asistua nga Robert Lewandowski.
Xavi me protestat e tepruara u ndëshkua fillimisht me karton të verdhë në minutën e 41-të, por që nuk u qetësua.
Pas vetëm një minute pasoi edhe kartoni i dytë të verdhë, për t’u përjashtua nga bankina e Barcelonës.
Kjo situatë nuk i ndaloi lojtarët katalunasë, që shënuan edhe dy gola të tjerë.
Në minutën e 47-të, Lewandowski realizoi për 2-0, për të shtuar një qetësie më të madhe te bashkëlojtarët.
Fermin Lopez (65’) realizoi për 3-0 me një asistim të sulmuesit polak, për të vulosur fitoren e Barcelonës në 3-0.
Atletico Madridi mbeti me një lojtar më pak në fushë, kur Nahuel Molina (90+3′) u ndëshkua me karton të kuq.
Pas javës së 29-të, Barcelona është në vendin e dytë me 64 pikë, ndërsa në xhiron e 30-të takohet me Las Palmas. /Telegrafi/