Sot prej orës 13:30, Prishtina e pret Dritën. Te Prishtina janë maksimalisht të motivuar pasi duan të vazhdojnë formën e mirë.
Në tetë ndeshjet e fundit, Prishtina nuk di për humbje duke regjistruar gjashtë fitore e dy barazime
Madje, në dy duelet e fundit ka mposhtur Gjilanin e Ballkanin. Aktualisht, Prishtina është e treta në tabelë me 31 pikë, nëntë më pak se Drita.
Kjo ndeshje i takon xhiros së tretë dhe ishte shtyrë për shkak të angazhimeve të Dritës që i pati në fillim të këtij sezoni në raundet eliminatore të Ligës së Evropës.
“Në rend të parë, pres një ndeshje të fortë për ta arsyetuar epitetin e derbit. Edhe në këtë ndeshje të vështirë, ne do të futemi për fitore pasi duam ta përmbyllim vitin në mënyrën më të mirë të mundshme”, tha Almir Ajzeraj i Dritës.