Një ndeshje jashtëzakonisht interesante por edhe e rëndësishme zhvillohet sot në elitën e futbollit kosovar.
Arbëria e Trepça ’89, dy skuadra këto që po luftojnë për mbijetesë në Superligë do të ndeshen ndërmjet vete në sfidën që njihet si “Derbi i mbijetesës”.
Arbëria medoemos duhet të fitojë, ndryshe bën një hap tepër të rrezikshëm dhe pothuaj pagjasa për të mbijetuar. Në anën tjetër Trepça ’89 me një fitore në takimin e sotëm do të bënte një hap tejet të madh drejt sigurimit edhe të një viti në Superligë.
Kjo është arsyeja që të pritet një ndeshje shumë e zjarrtë.
Ndeshja nis nga ora 15:00 dhe zhvillohet në stadiumin “Zahir Pajaziti” në Podujevë.