Superliga e Kosovës rikthehet këtë fundjavë me xhiron e 14-të të saj.
Të shtunën zhvillohen dy ndeshje, ku Malisheva do ta presë ekipin në superformë, Dukagjinin.
Ndeshja tjetër e së shtunës është ajo mes Feronikelit 74 dhe Gjilanit.
Të dielën zhvillohet një ndeshje shumë interesante, ku Prishtina do të jetë nikoqir i Ballkanit në stadiumin “Fadil Vokrri” nga ora 17:00.
Suhareka në anën tjetër do t’i bëjë konak Ferizajt.
Të hënën zhvillohet kryendeshja e kësaj xhiroje mes Dritës dhe Llapit.