Superliga e Kosovës në futboll vazhdon sot me dy ndeshje interesante që i takojnë xhiros së 22-të.
Drenica në stadiumin “Bajram Aliu” në Skenderaj do të takohet me Gjilanin në një sfidë e cila pritet të jetë e nxehtë.
Drenica në këtë edicion po “lufton” për mbetje në elitë ndërkohë që Gjilani e synon pjesën e epërme të tabelës.
Para ndeshjes, Drenica ndodhet në pozitën e parafundit (nëntë) me 23 pikë kurse Gjilani zë vendin e katërt me 31 pikë.
Sfidë interesante pritet të jetë edhe në Ferizaj ku Arbëria në cilësinë e vendasit do të përballet me Feronikelin.
Arbëria “stacionohet” e shtata në renditje me 25 pikë kurse Feronikeli ndodhet një pozitë me poshtë (tetë) me 24 sosh.
Të dy ndeshjet startojnë nga ora 13:00 dhe transmetohet direkt në ‘Art Motion’.
Këto janë ndeshjet e fundit të kësaj xhiroje.
Java 22
Drita – Besa 3:1
Trepça ’89 – Prishtina 1:2
Llapi – Ballkani 1:0
Arbëria – Feronikeli ?
Drenica – Gjilani ?