Pedro Neto ka bërë një huqje të madhe në portën e zbrazët në ndeshjen e Wolverhampton Wanderers ndaj Espanyolit.
Wolves është mposhtur në udhëtim te klubit katalunas me rezultat 3-2 në ndeshjen e vlefshme për 1/16-tën e Ligës së Evropës.
Megjithatë, klubi anglez ishte me fat pasi fitorja e thellë 4-0 në ndeshjen e parë e kualifikoi atë tutje me rezultat përfundimtar 6-3.
Në takimin e zhvilluar në Kataluni, Wolves ishte afër të fitonte, por sulmuesi i tyre Pedro Neto bëri huqjen e vitit.
Neto i inkuadruar në minutën e 64-të doli në rast të qind për qind pas një gabimi të mbrojtësit dhe kaloi portierit në minutën e 87-të.
Por, edhe pse në portën e zbrazët, ai nuk arriti të fus topin në rrjetë, ndërsa pas këtij rasti vendasit shënuan golin e fitores.
Huqja e 19-vjeçarit ka bërë bujë në rrjetet sociale.
Pedro Neto… What a howler! #WWFChttps://t.co/39pS64D0Vx pic.twitter.com/dXAwvfrfRf
— Daily Star Sport (@DailyStar_Sport) February 27, 2020