Premier League vjen me disa ndeshje fantastike sot.
Në fushë zbresin disa nga skuadrat e mëdha, me kryendeshjen që zhvillohet në ‘Stamford Bridge’.
Chelsea e pret skuadrën e Manchester United, atje ku pritet të jetë një spektakël i vërtetë. Të dy skuadrat janë në formë të mirë dhe do të kërkojnë pikët e plota në këtë takim.
Ndeshje tjetër interesante pritet të jetë edhe ajo mes Nottingham Forest dhe Liverpool, me vendasit që kërkojnë befasinë në ‘City Ground’. Kjo do të jetë edhe ndeshja e parë e ditës me fillim nga ora 13:30.
Manchester City i Pep Guardiolas e pret skuadrën e Brighton në ‘Etihad Stadium’, me ‘Qytetarët’ që futen në këtë takim pas humbjes nga Liverpool në ‘Anfield’.