Sonte me fillim nga ora 20:45 do të zhvillohet derbi i madh italian, i njohur ndryshe “Derby della Madonnina” mes Interit dhe Milanit.
Ky takim zhvillohet në kuadër të javës së 21-të në Serie A.
Ky derbi e gjen Milanin në momentin më të keq të tyre.
Kampioni në fuqi i Italisë tani ka shkuar në katër ndeshje radhazi në ligë pa e shijuar fitoren, me dy humbje dhe dy barazime.
Kuqezinjtë gjenden në vendin e pestë me 38 pikë të grumbulluara.
Në anën tjetër, Interi është diç më mirë me 40 pikë në vendin e dytë, 13 më pak sesa lideri, Napoli.