Toni Kroos shpreson që të shijojë futbollin në stadiumin e ri, “Santiago Bernabeu”, që pritet të jetë 100% gati deri më 2023.
Kontrata Kroosit i skadon pikërisht atë vit, por është vetëm 31-vjeçar dhe dëshira e tij është që të vazhdojë edhe për pak vite në Madrid.
“Santiago Bernabeu i ri do të jetë i mrekullueshëm. Ka qenë më i miri në botë dhe do të vazhdojë të jetë më i miri”, tha Kroos për faqen e Realmadrid.
“Shpresoj të luaj disa vite në stadiumin e ri”.
Kroos pati edhe një mesazh për të rinjtë që duan të arrijnë larg në futboll.
Sipas tij, një gjë e tillë arrihet me punë dhe përkushtim.
“Për të qenë futbollist profesionist, nganjëherë duhet t’i thuash jo shokëve dhe të stërvitesh humë”.