Trajneri i Paris Saint-Germain, Luis Enrique nuk ishte aspak i kënaqur me paraqitjen e PSG ndaj Milanit dje në San Siro.
Skuadra e Milanit fitoi takimin me rezultatin 2-1, për të rihapur grupin e ‘vdekjes’.
“Problemi i vetëm është se ne ndihmuam që loja të bëhej e çmendur. Ishte menduar të ishte një ndeshje futbolli, jo tenisi. Ishte vetëm sulm kundër sulmit. Nuk më pëlqeu kjo”, tha Enrique në konferencën për shtyp.
“Kam parë dy ekipe mjaft të ngjashme. Preferoj më shumë kontroll mbi iniciativën”
Enrique foli edhe për pritjen urrejtëse që iu bë Donnarummas.
“Ai ka shumë përvojë, një karakter të fortë,” siguroi Luis Enrique.
“Futbolli është pasion, tifozët treguan se cili ishte pozicioni i tyre. Atmosfera mund të jetë e tillë vetëm kur kishte dashuri për një lojtar. Ai pati një lojë të shkëlqyer”, përfundoi ai.