Cristiano Ronaldo ka nënshkruar deri në 2023-shin me Manchester United, por pas rreth një viti te “Djajtë e Kuq”, duket se eksperiencës së tij në “Old Trafford” po i vjen fundi.
Bazuar raportimeve të mediave britanike, pavarësisht faktit se portugezi është golashënuesi i skuadrës, ai mund të zgjedhë të mos jetë më pjesë e United.
Ecuria e ekipit në edicionin 2021-2022 nuk është aspak e mirë dhe kjo shihet si një nga arsyet kryesore pse CR7 do të zgjidhte të largohej në drejtim të një sfide të re, pasi sulmuesi është mësuar të fitojë trofe dhe atë e ka qëllim parësor.
Megjithatë portugezi pritet ta marrë vendimin për të ardhmen e tij pasi Manchester United të ketë vendosur zëvendësuesin e Ralf Rangnick, me këtë të fund që mbyll detyrën si trajner në fund të sezonit, në mënyrë që të kuptojë se cilat janë objektivat e klubit dhe në të njëjtën kohë të shikojë nëse tekniku i ri do jetë dikush i pëlqyer nga ai vetë apo jo./ss