Presidenti i UEFA-s, Aleksander Ceferin, ka akuzuar pronarët e klubeve që përpiqen të ringjallin një Superligë evropiane se “jetojnë në një botë paralele” dhe ka vënë në shënjestër shefin e Juventusit, Andrea Agnelli.
Planet për një kompeticion të shkëputur që përfshin disa klube të shquara nga Anglia, Spanja dhe Italia u rrëzuan mes një reagimi të furishëm nga tifozët, shoqatat kombëtare dhe UEFA vitin e kaluar.
Megjithatë, mediat sugjerojnë se Barcelona, Real Madrid dhe Juventus po planifikojnë të rinisin idenë menjëherë në një tjetër sfidë të drejtpërdrejtë ndaj UEFA-s.
Ceferin i akuzoi ata komplotues se po përpiqeshin të kthenin idenë e Superligës duke përdorur shpërqendrimin e konfliktit brutal në Ukrainë.
“Më duhet të them se ata që flasin për Superligën nuk flasin për futbollin. Jam mërzitur dhe lodhur nga ky projekt që nuk ka të bëjë me futbollin”, tha Ceferin.
‘Së pari, ata hodhën marrëzinë e tyre të idesë në mes të një pandemie. Tani, ne lexojmë artikuj se ata po planifikojnë të lançojnë një ide tjetër tani në mes të një lufte.
“A duhet të flas më shumë për këta njerëz? Ata padyshim jetojnë në një botë paralele”, përfundoi ai.